Vrystaat ANC betaal nie subsidies Die Vryburger
Bloemfontein -. In die
Vrystaat is ‘n ernstige maatskaplike krisis aan die opbou.
Verskeie nie-regering
welsynsorganisasies (NRO’s) het sover vir die nuwe boekjaar nog geen subsidies
van die regering ontvang nie.
Geen reaksie
word verkry wanneer korrespondensie deurmiddel van eposse, telefoonoproepe en
skrywes probeer word om kommunikasie met die departement te bewerkstellig nie.
Dit word net
eenvoudig geignoreer.
Die gevolg daarvan is
dat kinders en bejaardes met moeite gevoed en personeel met die minimum tevrede
moet wees. Geld word ten duurste geleen en geldinsamelingprojekte moet
onderneem word om fondse te bekom om welsynswerkers te vergoed.
Dit is ‘n krisis wat hom
jaarliks herhaal en soos verlede jaar sal daar heelwaarskynlik weer ‘n interdik
teen die Vrystaatse Departement van Maatskaplike ontwikkeling bekom moet word
om hulle te verplig om die nodige befondsing te doen.
Volgens ds. Willem
Botha, hoofdirekteur van Engo en ondervoorsitter van die Nasionale Assosiasie
van Welsynsorganisasies, is dienskontrakte wat gedurende Januarie onderteken
moes word, nog nie gedoen nie.
Dit veroorsaak dat mense
vir lang tye kwalik n stukkie brood op die tafel kry.
‘n Woordvoerder van die
departement was nie beskikbaar vir kommentaar nie.
Intussen het die Vrystaatse regering genoeg geld om
R60 miljoen aan Estina te betaal wat voorheen betrokke was by die omstrede
suiwelplaas-projek is die Vrede-distrik.
My kommentaar:
Ag siestog ds Botha dat die departement darem so naar is om
nie te reageer op eposse en korrespondensie nie. Ek wonder of die departement
dit nie dalk by Engo geleer het om dit te ignoreer nie. Ek het sekerlik sowat
50 eposse waarop Onze Rust en Engo en die NG Kerk nie op
gereageer het nie. So die paar eposse waarop die departement nie gereageer het
nie is maar eintlik niks in vergelyking wat julle self doen nie!