Die
Silverton-polisie en die ADCare-groep ondersoek ʼn voorval waarin ʼn
82-jarige
pasiënt met Alzheimer se siekte by een van ADCare se
sorgsentrums
beseer is terwyl sy onder toesig van twee versorgers was.
Dit is die
eerste voorval en ons beskou dit in ʼn ernstige lig. Daarom het ons
die
polisie se hulp ontbied. Indien die versorger haarself skuldig
gemaak
het aan aanranding, moet die waarheid uitkom, want hier is nie
plek vir
aanranders by ons nie,” het Suzette Botha, ADCare se eienaar,
Donderdag
gesê.
Die pasiënt is op 15 November omstreeks 10:00 by die
Cura-sorgsentrum in
Equestria beseer, kort voordat sy moes gaan was. Sy het ʼn
diep snywond
in die
vorm van ʼn hoefyster aan haar linkerbeen opgedoen.
Die
suster in beheer by die sorgsentrum het ná die voorval dadelik die
wond
versorg en haar na die Wilgers-hospitaal geneem vir behandeling.
Hulle het
die vrou se familie in kennis gestel en die voorval aangemeld.
Aangesien
daar sprake van aanranding was, het die bestuur dit ook by die
polisie
aangemeld en is ʼn saak van aanranding aanhangig gemaak.
“Ons laat
die polisie nou toe om hul werk te doen en hul ondersoek af te
handel.
As sy skuldig is, moet die reg sy gang gaan. Indien dit aan die
lig kom
dat die student vir ons gejok het, sal ons die nodige interne
tugstappe
teen haar doen.”
Dit is wat ons wil sien gebeur in sorgsentrums. Daar vind ‘n voorval
plaas en daar word dadelik en korrek opgetree.
Dit is hoe dit gedoen moet word. ‘n Voorval word omgeswaai na iets
positiefs en sodoende word daar vertroue geskep by die publiek.