Missie

Ek het ook maar daagliks in die media gelees hoe word oumense mishandel  in hulle eie huise en in sorgsentrums. Net soos die publiek het ek ook maar die voorvalle verfoei maar niks aan die sake gedoen nie.

Die oumense veral in sorgsentrums word daagliks mishandel. Die oumense word verbaal aangeval en in ander gevalle afgeknou. Selfs fisiese aanrandings vind gereeld plaas.

Net soos plaasaanvalle, kan die mishandeling van oumense nie langer ontken of geignoreer word nie.

Ek weet dat mishandelings in sorgsentrums nooit stop gesit kan word nie. Al wat ons kan doen is om die oumense te uit die kloue van hierdie euwels te red.

Maar wat het my dan laat besluit om ‘n veldtog teen die mishandeling van oumense te begin? Ek was ontnugter deur ‘n sorgsentrum waar ‘n beweerde aanranding aangemeld was en daar alles in daardie sorgsentrum se vermoë gedoen was om die misdaad toe te smeer. Leuens en vermoedelik bedrog was gepleeg om die naam van die sorgsentrum te beskerm. Die welstand van die inwoner wat aangerand was het geen prioriteit geniet nie.

In my opinie is sorgsentrums niks anders as “Huise van Euwels – Die Moderne Strafkampe” nie en is dit dan ook die titel van my eboek wat pas gepubliseer is.