Wat
is fout met die oumense van hierdie land? Hoekom staan julle nie op vir julle
regte nie? Net omdat julle oud geword het beteken nie julle moet nou slapgat
wees en toelaat dat julle te na gekom word nie. Ek praat nie van die oumense
wat nie meer instaat is om hulle self te help nie. Ek verwys na die oumense wat
nog by hulle verstand is. Staan op vir julle regte en staan sommer ook op vir
die regte van die oumense wat nie meer instaat is om dit self te doen nie!
Hoekom
en waarvoor is julle bang? Is julle bang julle word aangerand en mishandel
indien julle sou praat? Word julle dalk gedreig? Ek verwys nie net na oumense
in ouetehuise nie. Wat van julle wat nog op julle eie woon en by familie woon?
Hoekom doen julle nie iets vir die oumense in sorgsentrums nie? Dit kom vir my
voor of almal maar net nie betrokke wil raak nie. So sal die euwels teen
oumense nooit uitgeroei word nie!
In
verlede week het ek met ‘n inwoner gepraat. Duidelik was hierdie inwoner
vreesbevange. Hierdie inwoner het in soveel woorde gesê dat hulle gedreig was
dat hulle met niemand oor hulle ouetehuis mag praat nie. Ek weet nie of dit die
waarheid is nie. Wat ek wel weet is dat die meeste inwoners van verskeie
ouetehuise in vrees lewe want soos iemand opgemerk het, hierdie inwoners weet
wat agter toe deure gebeur indien hulle gevang word dat hulle uitpraat. Wat ‘n
siek situasie!
Oumense
asseblief, praat met my of praat met julle vriende en familie. Laat klagtes
gelê word. Selfs al gebeur daar niks met ‘n klagte nie, ten minste word die
ouetehuise en die publiek bewus gemaak van ongeruimdhede.
So
asseblief bejaardes staan op en praat. Saam kan ons hierdie euwels opdonner.