MEDIAVERKLARING
14 Junie 2012
Bejaarde Mishandeling
“Bejaarde mishandeling word dikwels weggesteek. Mense is
dikwels nie bewus van die verskynsel nie”, so sê Louise Haumann, SAVF
bestuurder van die Martha Hofmeyr Tehuis in Polokwane, Limpopo.
Op Vrydag 15 Junie 2012 herdenk SAVF wêreld bejaarde
mishandeling bewusmakingsdag. “ In 2006 is die eerste bejaarde mishandelingsdag
herdenk.
Deur die jare het baie ander lande ook betrokke geraak by
die bewusmakingsveldtog en vanjaar word die dag amptelik deur die Verenigde
Nasies erken”, volgens Haumann. Die mishandeling van bejaardes is ‘n groeiende
bekommernis.
Die snelle veroudering van die Suid - Afrikaanse samelewing
noodsaak dat hierdie kwessie ondersoek word. Onlangse statistiek toon dat die
aantal persone wêreldwyd,ouer as sestig, teen 2025 bykans 1.2 miljard van die
samelewing gaan uitmaak.
Volgens Haumann is bejaarde mishandeling soortgelyk aan
ander geweldsmisdade.
Dit sluit in; fisiese -, emosionele – en seksuele
mishandeling, asook verwaarlosing.
“ Navorsing rondom die omvang van bejaarde mishandeling is
skaars. Slegs ‘n paar bevolkings - gebaseerde studies is tot dusver uitgevoer. Hierdie
navorsing toon dat tussen 4% en 6% van ouer mense aan mishandeling onderwerp
word; dit vind plaas in tuisversorging, versorging in ‘n fasiliteit, asook binne gemeenskappe
waar bejaardes alleen woon. Ons is egter van mening dat bejaarde mishandeling baie
meer voorkom omdat dit bykans nooit aangemeld word nie. Vir bejaardes is die
gevolg vangeweld dikwels baie ernstig. Ouermense se bene is bros en
die herstelproses vir die ouer persoon neem baie langer. Selfs ‘n relatiewe
klein besering kan
ernstige skade veroorsaak”. Haumann sê daar is verskeie faktore wat bydra tot
bejaarde mishandeling. “In sommige gevalle is famile - verhoudinge nie ideaal
nie as gevolg van spanning namate die ouer persoon meer afhanklik word.
Sosiale isolasie wat tot eensaamheid lei is ook ‘n vorm van
verwaarlosing”.
Kulturele en sosio-ekonomiese faktore dra ook by tot bejaard
e mishandeling. “ Bejaardes word dikwels uitgebeeld as swak en afhanklik,
daarmee saamveroorsaak die verbrokkeling van familiebande dat bejaardes
dikwels alleen en weerloos is. In Suid-Afrika verhuis baie jongmense na stedelike
gebiede op soek na beter geleenthede, terwyl die fisiese en emosionele
versorging van ouermense agterweë bly”. Bejaarde mishandeling kom ook
ongelukkig in sommige versorgingssentrums voor. “ Hierdie versorgingssentrums word
gekenmerk deur lae standaarde, swak opgeleide of oorwerkte personeel.
Die ineteraksie tussen personeel en inwoners kan ook lei tot konflik
weens misverstande.”
“ Bewusmakingsveldtogte soos hierdie is van uiterste belang.
Ons moet oop gesprekke oor bejaarde mishandeling aanmoedig en die publiek moet
bewus gemaak word van die tekens van hierdie mishandeling.
Bejaardes moet ook ingelig word oor hulle regte, asook waar
die mishandelinge
gerapporteer kan word, en
waar hulle kan
gaan hulp soek”.
SAVF is ‘n nie -
regerings organisasie wat fokus op welsyn
en maatskaplike ontwikkeling. SAVF is werksaam in 5 provinsies naamlik;
Limpopo, Mpumalanga, Gauteng, Noordwes en Kwazulu-Natal. Meer as 3000
bejaardes word
in in 32 SAVF tehuise versorg. Daar word ook behuising verskaf aan
bykans 2700
bejaardes en persone met gestremdhede.
Louise Haumann
SAVF Bestuurder: Martha Hofmeyr Tehuis