Die
feit dat daar gereeld aanrandings in ouetehuise plaasvind, kan net soos plaasaanvalle, nie langer
ontken of geignoreer word nie. Die verskil met die aanrandings in ouetehuise is
dat dit baie keer agter toe deure gebeur en is die slagoffer te bang of baie
keer nie instaat om te kla nie. Selfs waar dit onder die aandag van die bestuur
van daardie ouetehuis gebring word, dan smeer die bestuur daardie aanranding
toe om nie die naam van die ouetehuis in gedrang te bring nie. Die aanrander
word dus beskerm en beide die bestuur en die aanrander is dus kriminele.
Hier
is ‘n afskuwelike geval van wat werklik gebeur het in ‘n ouetehuis:
‘n
Personeellid het waargeneem hoe ‘n inwoner wat ‘n beroerte pasient in die
ouetehuis is en wie in ‘n rolstoel is en nie kan praat nie, verbaal en fisies aangerand
word deur ‘n verpleegster. Die personeellid het uit die kombuis van die
ouetehuis deur die eetsaal gestap en die verpleegster en die inwoner met sy
rolstoel in die ingangsportaal aangetref. Die verpleegster het voor die inwoner
gestaan met haar rug na die deur van die eetsaal. Reeds toe die personeellid
deur die eetsaal beweeg het kon sy hoor hoe die verpleegster op die inwoner
skreeu maar sy kon nie die woorde uitmaak nie. Eers toe die personeellid nader
aan die deur van die eetsaal beweeg het kon sy die verpleegster se woorde
uitmaak naamlik: “jy kan
fokken wag ek is besig” en tersefdertyd het die verpleegster die inwoner aan sy
hemp rondgepluk. Alhoewel die inwoner nie instaat is om te kan praat nie en net geluide maak, het die
inwoner heftig gereageer op die
aanranding deur harde geluide te maak en was bloedrooi in die gesig. Op hierdie
uitbarsting van die inwoner het die verpleegster gereageer deur hom met die
plat hand bo op sy kop te slaan.
Hierdie
voorval is skriftelik onder die bestuur se aandag gebring en die bestuur het
dadelik begin om die saak toe te smeer. Die bestuur het selfs so vêr gegaan om
agterna die bywoningsrooster te wysig sodat dit moet voorkom of die betrokke
personeellid nie die dag van die aanranding gewerk het nie. Hoe laag kan 'n mens nie daal nie.